თაგო - სოფელი აჭარის მთებში

ჩვენ მუდმივად ვსაუბრობთ გლამპინგ თაგოზე, ჩვენი გლემპინგის კონცეფციაზე და ასევე გაწვდით საინტერესო ინფორმაციას აჭარის შესახებ, ხოლო დღეს გადავწყვიტეთ მეტი გვეთქვა თქვენთვის უშუალოდ თაგოზე, სოფელზე, სადაც ჩვენი გლემპინგი მდებარეობს!

თაგო — სოფელი აჭარაში, ხულოს მუნიციპალიტეტში. მდებარეობს მდინარე აჭარისწყლის მარცხნივ, ზღვის დონიდან 1000 მ. ხულოდან 7 კმ. სოფელი საბაგირო გზით უკავშირდება დაბა ხულოს. Თაგოს ისეტორიას, ისევე როგორც ხულოს მუნიციპალიტეტის ისტორიას მთლიანობაში, სამწუხაროდ, არ აქვს შემორჩენილი არქივები. Ამ პოსტში იხილავთ ინფორმაციას თუ როგორია დღევანდელი თაგო!

Without a doubt, the most famous part of Tago is the cable car. This cable car is the second-longest free span cable car in Europe. You can read more about Khulo Cable Car in our blog post: https://glampingtago.ge/khulo-cable-car-2/

თაგო დღეს

ერთი შეხედვით, თაგო ჩვეულებრივი ქართული სოფელია. თუმცა, გარკვეული დროის შემდეგ აუცილებლად შეამჩნევთ განმასხვავებელ ნიშნებს. ადგილობრივი მოსახლეობა მიჰყვება ცხოვრების მარტივ წესს, და სწორედ ეს ნიუნსები ხდის ამ ადგილს უნიკალურს.

დილა მუსლიმი სოფლის მაცხოვრებლებისთვის იწყება დილის ლოცვით. შემდეგ ქალბატონები სოფლის საქმის დასრულების შემდეგ ამზადებენ ბავშვებს სკოლაში წასასვლელად, ხოლო ქმრებს სამსახურში წასასვლელად.

შემდეგ იწყებენ მიღებული რძის დამუშავებას , რძის სახდელ მანქანაში, სადაც რძე ცალკე გადმოედინება და კაიმაღი ცალკე. დასრულების შემდეგ გამოხდილი რძისგან დამწნილ ყველსა და აკეთებენ ნადუღს, კაიმაღისგან სახლის კარაქს, ამის შემდეგ ალაგებენ სახლს და ამზადებენ სადილს, შემდეგ მიდიან მიწის დასამუშავებლად. იქედან დაბრუნების შემდეგ ისევ ამზადებენ ვახშამს და ისევ მიდიან ბოსელში.

ვახშმობის შემდეგ ისევ ლოცულობენ და ბოლო მეხუთე ლოცვის შემდეგ იძინებენ (სულ კი დღეში ხუთჯერ ლოცულობენ). მამაკაცების გარკვეული ნაწილიც ასრულებს ხუთივე ლოცვას და თითოეული მათგანის სამუშაოც სეზონის ცვლილების მიხედვით იცვლება.

მოსახლეობა

დღესდღეობით სოფელ თაგოში ცხოვრობს დაახლოებით 60 კომლი, თუმცა ეს ციფრი შენარჩუნებული არ არის ოთხივე სეზონზე, ვინაიდან მოსახლეობის ნაწილი ცხოვრობს ქალაქში და ზოგი მათგანი გაზაფხულზე ამოდის მიწების დასამუშავებლად და ზოგი კი მხოლოდ ზაფხულში ერთი თვით დასასვენებლად.

ადგილობრივების რეაქცია გლემპინგზე

ადგილობრივი მოსახლეობა ძალიან კეთილადაა განწყობილი ჩვენი საქმის მიმართ. ისინი თვლიან, რომ ეს სოფლის პოპულარიზაციაზეც იქონიებს გავლენას და კარგ რეკლამას გაუკეთებს სოფელს არა მხოლოდ მთელ საქართველოში არამედ საზღვარგარეთაც.

განათლება

სოფელში არის არასრული საშუალო სკოლა (9 კლასი). სკოლაში სწავლობს 23 ბავშვი და მათ განათლებაზე ზრუნავს 17 მასწავლებელი.

ფლორა და ფაუნა

აქ განვითარებულია სოფლის მეურნეობა, ყავთ როგორც მსხვილფეხა საქონელი, ასევე ეწევიან მიწის დამუშავებასაც.

აქ ასევე აქვთ პროდუქცია, რომელიც უშუალოდ მათი შრომის შედეგად არის მოპოვებული და წარმოებული.

აქ ძირითადად მოჰყავთ:

მარწყვი (ზაფხულშიც და შემოდგომაზეც)
კიტრი (ზაფხულშიც და შემოდგომაზეც)
პომიდორი (ზაფხულშიც და შემოდგომაზეც)
ბოლოკი (ზაფხულშიც და შემოდგომაზეც)
ბალი (ზაფხულში)
თუთა (ზაფხულში)
ჟოლო (ზაფხულშიც და შემოდგომაზეც)
ქლიავი (ზაფხულში)
ვაშლი (ზაფხულშიც და შემოდგომაზეც)
მსხალი (ზაფხულშიც და შემოდგომაზეც)
კომბოსტო (ზაფხულშიც და შემოდგომაზეც)
კარტოფილი (ზაფხულშიც და შემოდგომაზეც)
მწვანე ლობიო (ზაფხულში)
შავი ლობიო (შემოდგომაზე)
სიმინდი (ზაფხულშიც და შემოდგომაზეც)
მოცვი (ზაფხულში)

კვირაში ერთხელ ოჯახები მიდიან თაგოდან ხულოში სავაჭროდ, იმ პროდუქტების შესაძენად, რომელთა წარმოება და გაკეთება თავად არ შეუძლიათ და მათი შეძენა მხოლოდ მაღაზიებშია შესაძლებელი. ხულოს ცენტრში არის საჭირო მაღაზიები: სასურსათო, აფთიაქები, საყოფაცხოვრებო საქონლის მაღაზიები.

თაგოში მოხვედრა შესაძლებელი საბაგირო გზით. ხოლო საბაგირო გზას სრულიად სხვა სამყაროში გადავყავართ, სადაც სხვა კუთხით ვაფასებთ ხმაურიანი ქალაქის რითმს და ჩვენს გარშემო არსებულ ყოველდღიურობას.

თაგოში, ისევე, როგორც ყველა მაღალმთიან სოფლებში, ბინადრობენ გარეული ცხოველები: დათვები, მგლები, ტურები. მართალია ეს ცხოველები ყველა ადამიანში იწვევს შიშის გრძნობას, თუმცა ამ სოფლის მოსახლეობას მათთან ერთად ცხოვრების შედეგად ეს შიში იმდენად აღარ აქვთ.

ადგილობრივებს ბევრი საინტერესო ისტორია აქვთ გარეულ სამყაროსთან დაკავშირებით, თუმცა ამ თავგადასავლებზე საუბარი სხვა დროისთვის შემოვინახოთ!

რელიგია

მიუხედავად იმისა,რომ საქართველოს მოსახლეობის უდიდესი ნაწილი მართმადიდებელია, თაგოს მოსახლეობა მაჰმადიანობის მიმდევარია. ეს კი განპირობებულია წარსული ისტორიით. ჩვენი ქვეყნის ტერიტორია დამპყრობლების მიერ მრავალჯერ ყოფილა დაკავებული, მათ შორის მუსლიმური დინასტიის ოტომანების მიერ,რომელთა დროსაც მოხდა სწორედ თაგოს მოსახლეობის გამაჰმადიანება. მუსლიმანებისთვის დამახასიათებელია დღის განმავლობაში ხუთჯერ ლოცვა, შესაბამისად სოფელში რამდენჯერმე გაიგონებთ მათი ლოცვის ხმას.

თაგოში ასევე ცხოვრობენ ქრისტიანი მოსახლეობა,თუმცა მცირე რაოდენობით.მიუხედავად მათი რელიგიური განსხვავებისა ეს გავლენას არ ახდენს მათ ჰარმონიულ და მეგობრულ ურთიერთობაზე.

კაფე/ რესტორნები

საბაგიროსთან არის რესტორანი. აღსანიშნავია, რომ საქართველოში ძალიან მრავალფეროვანი სამზარეულოა და თითოეული რეგიონი გამოირჩევა გარკვეული კერძებით. ადამიანები, რომლებიც ადგილობრივ კაფეში სტუმრობენ, ყველაზე ხშირად მიირთმევენ:

აჭარული ხაჭაპური — ხაჭაპურის ერთ-ერთი სახეობა. წარმოადგენს მოგრძო ფორმის, ღუმელში გამომცხვარ ჩაღრმავებულ მასას, რომელშიც მოთავსებულია ყველი. როგორც წესი, სუფრაზე მირთმევამდე ზევიდან ემატება კვერცხი.

აჩმა - ხაჭაპურის სახეობა, საქართველოს დასავლეთ რეგიონებიდან. აჩმას ხშირად ადარებენ ლაზანიას ტექსტურისა და გარეგნობის გამო.

სინორი - აჭარული კერძი მომზადებულია ლავაშის გამოყენებით, ხაჭო და კარაქით. ეს კერძი მეტწილად უცნობია აჭარის გარეთ, მაგრამ დიდი პოპულარობით სარგებლობს დასავლეთ ზღვისპირა რეგიონში.

ყველის ბორანო - ტრადიციული კერძი აჭარის რეგიონიდან, მზადდება სულგუნის ყველით და გამდნარი კარაქით. ბორანოს ხშირად ქართულ ფონდუესაც უწოდებენ.

გლემპინგ თაგოს რესტორანი

ასევე შეგიძლიათ გვეწვიოთ ჩვენს რესტორანში, რომელიც მდებარეობს იურტაში. ჩვენ გვაქვს ვეგეტარიანული მენიუ, რომელიც მზადდება ადგილობრივ პროდუქტების გამოყენებით.

კაფე თომა

თომა სასტუმროა, მაგრამ შენობის ქვედა სართულზე მყუდრო კაფეა, რომელიც მთებს გადაჰყურებს. https://goo.gl/maps/ZjgZaQjJ3aXZozgs6 https://goo.gl/maps/ZjgZaQjJ3aXZozgs6

საოჯახო ტიპის სასტუმროები

ბევრ მოგზაურს ურჩევნია საოჯახო ტიპის სასტუმროებში დარჩენა. ისინი თვლიან, რომ ეს ადგილობრივი კულტურის შესწავლის ერთ-ერთი საუკეთესო საშუალებაა.

თაგოში რამდენიმე ადგილია, სადაც შეგიძლიათ დარჩენა. ქვემოთ ჩამოთვლილია საკონტაქტო ინფორმაცია და მითითებულია ფასები. გთხოვთ გაითვალისწინოთ, რომ საცხოვრებელი სახლები მდებარეობს მაღალმთიან სოფელში. თქვენ ვერ იპოვით მათ Google რუკებზე ან booking-ზე. წინასწარ დარეკეთ მითითებულ ნომრებზე იმის გასარკვევად, არის თუ არა თავისუფალი ადგილები დასარჩენად.

1. საოჯახო სასტუმრო "ასლანი" 50 ლარი ორჯერადი კვებით 577 20 94 95
2. საოჯახო სასტუმრო "დავითი" 60 ლარი ორჯერადი კვებით 598090961
3. საოჯახო სასტუმრო "ზურაბი" 40-50 ლარი ორჯერადი კვებით 598 09 59 09
4. საოჯახო სასტუმრო „გურამი“ 40 ლარი 598 09 61 43
5. საოჯახო სასტუმრო "ზებური" 40 ლარი 591 05 58 15

გზა თაგომდე

მანძილი ბათუმიდან ხულოს ცენტრამდე 85 კმ-ია. მანქანით 2 - 2,5 საათის გზაა.
გზა ბათუმიდან ხულოში მთლიანად ასფალტირებულია, ამიტომ მაღალი გამავლობის მანქანა არ დაგჭირდებათ.

ხულოში ჩასასვლელად რამდენიმე გზა არსებობს: შეგიძლიათ მანქანა იქირაოთ, ან ისარგებლოთ ტაქსით, მიკროავტობუსით, ველოსიპედით.

Read more about how to get to Khulo in our post: https://glampingtago.ge/how-to-get-to-khulo/

უნდა მოინახულოთ

ბევრი მოგზაური მოდის აქ სხალთის მონასტრის მოსანახულებლად. ეს არის ქართული მართლმადიდებლური მონასტერი და საკათედრო ტაძარი, რომელიც თარიღდება XIII საუკუნის შუა ხანებით.

ხულო-სხალთის საფეხმავლო ბილიკი აჭარის ხულოს რაიონის 2 ხეობას აკავშირებს. მარშრუტი ხელმისაწვდომია ორივე მიმართულებით. ძირითადი გზა იწყება ხულოს ცენტრიდან, რომელიც ბათუმიდან 85 კმ-ის დაშორებით მთავრდება სხალთის ხეობაში (ბათუმიდან 82 კმ-ში).

სოფელ თაგოს გავლით ეკლესიამდე მიდის ბილიკი. სხალტა ერთადერთი შუასაუკუნეების ეკლესიაა აჭარაში, რომელიც გადაურჩა როგორც ოსმალეთის, ასევე საბჭოთა პერიოდს და 1990 წელს კვლავ ფუნქციონირებდა.

ხანგრძლივობა - 2 საათი 45 წუთი
მანძილი: 9 კმ
სიმაღლე - ზღვის დონიდან 1125 მეტრი

სხალტას მარშრუტი

მარშრუტის დიდი ნაწილი ძირითადად ტყეში, დაუსახლებელ ადგილებზე გადის, სადაც უხვად შეგხვდებათ კავკასიური მცენარეები, წიწვოვანი და ფოთლოვანი ტყეები. მარშრუტის დასასრულს, ასფალტირებულ გზაზე გასვლისას, 1.3 კმ-ის გავლის შემდეგ მოხვდებით სხალთის ხეობაში, სადაც ნახავთ შერიფ ხიმშიაშვილის მუზეუმს და სხალთის მონასტერს.

მონასტრიდან 700 მეტრში, გზის მარჯვენა მხარეს განთავსებულია ზემო აჭარის უკანასკნელი მთავრის, შერიფ ხიმშიაშვილის მუზეუმი. მუზეუმიდან 500 მეტრის გავლის შემდეგ, მარშრუტი ცენტრალური გზიდან უხვევს მარჯვნივ, სოფელი გურძაულისკენ. საავტომობილო გზა სოფელი გურძაულის ბოლომდე მიდის. ბოლო მოსახლის ეზოს სიახლოვეს საავტომობილო გზა მთავრდება. მარშრუტი ფართო ბილიკით ტყეში გრძელდება და ციცაბო აღმართს მიუყვება ერთი კილომეტრის მანძილზე.შემდეგ რელიეფი სწორდება და ბილიკი გადის გაშლილ მინდვრიან ფერდზე, გაივლის ტყეს, შთამბეჭდავ ხედებს და მდელოებს, ჩადის სოფელ თაგოში.

როგორც ზემოთ აღვნიშნეთ, თაგომდე მისვლა შეგიძლიათ საბაგირო გზით. ბევრი ტურისტი მოდის აქ მხოლოდ ამ მიზნით.

თუ აქ მოხვდებით, აუცილებლად ეწვიეთ გლემპინგ თაგოს რესტორანს. Აქ შეგიძლიათ მიირთვათ გემრიელი კერძები და ისიამოვნოთ ულამაზესი ხედებით.

თაგოს ტურისტული პოტენციალი

ახლა კი მოდით თვალი გადავავლოთ თაგოს მთის ეკოტურიზმის გადმოსახედიდან!

დღეს სამთო ტურიზმს წამყვანი პოზიცია უკავია ყველა იმ კატეგორიას შორის, რომლებიც ინდუსტრიის ამ კონკრეტულ მიმართულებაში არსებობს. იგი განვითარებისთვის მრავალი რესურსების არსებობით არის განპირობებული. ექსტრემალური ტურიზმის მოყვარულთა და ზოგადად მოგზაურთა დიდმა ინტერესმა გამოიწვია მთიანი რაიონების სწრაფი განვითარება.საქართველო კარგი ტურისტული იმიჯის და განვითარების უზარმაზარი პოტენციალის მქონე ქვეყანაა, განსაკუთრებით მთისა და ეკოტურიზმის მიმართულებით. ეს სფერო არის პრიორიტეტული ქვეყნის ეკონომიკაში, და იგი მაქსიმალურად უნდა იქნას გამოყენებული.

როგორც შიდა, ასევე საგარეო ტურიზმის განვითარება დადებითად მოქმედებს რეგიონების, და განსაკუთრებით, მაღალმთიან რეგიონების ეკონომიკურ ზრდაზე, რომელთაც დაბალი შემოსავლები აქვთ. და სწორედ ტურიზმს შეუძლია მრავალი პერსპექტივის შექმნა. საქართველო ახალი ფენომენია მსოფლიოს ტურისტულ რუქაზე და ინტერესს იწვევს პოტენციურ ტურისტებში მთელი მსოფლიოს მასშტაბით. ტურისტები აუცილებლად ეწვევიან იმ რეგიონებს, რომელთაც ხელს შეუწყობენ ამ პერსპექტიული ინდუსტრიის განვითარებას.

ჩვენ გვჯერა,რომ ძალიან ბევრი მიზეზი არსებობს იმისა თუ რატომ აქვს თაგოს ტურიზმის განვითარების დიდი პოტენციალი. ერთ-ერთი მიზეზი მისი მდებარეობაა. იგი ბათუმიდან რამდენი საათის სავალ გზაზეა. მართალია, თაგოში თქვენ ვერ დაინახავთ ზღვას, თუმცა იხილავთ მთის ულამაზეს პეიზაჟებს.

მეორე, თქვენ შეგიძლიათ იგრძნოთ მარტივი ცხოვრების ყველა უპირატესობა. აქ ხალხი ცხოვრობს ხის სახლებში ,მისდევენ სოფლის მეურნეობას, ამუშავებენ მიწებს, ზრუნავენ მსხვილფეხა საქონელზე და სახლის ცხოველებზე. აქაური ცხოვრება სიმარტივესთან ერთად უდაოდ ჰარმონიითა და სიყვარულითაა სავსე.

აუცილებლად შეამჩნევთ, რომ ეს ადგილი გარშემორტყმოულოა წარმოუდგენელი ბუნებით. კიდევ ერთი ფაქტი ამ ადგილის გამორჩეულობის არის ისიც, რომ ტურისტებს სთავაზობს მრავალ სათავგადასავლო აქტივობებს, როგორიცაა მაგალითად მთაზე ცოცვა.

სოფლის მეურნეობა თაგოს მთავარი დამახასიათებელი ნიშანია, თუმცა ჩვენ შეგვიძლია ვთქვათ, რომ ამის გარდა დიდი პოტენციალი აქვს ეკოტურიზმის განვითარებისთვის.

ზემოთ ხსენებული ყველა ეს მიზეზი არის საფუძველი იმისა თუ რატომ ავირჩიეთ გლემპინგის მშენებლობისთვის მთიანი აჭარა. ჩვენი მიზანია, შევქმნათ უკეთესი შესახლებლობები ადგილობრივი მოსახლეობისთვის, მეტად ჩავნერგოთ ხალხში პირადი ჯანმრთელობის, დასვენების, თავგადასავლების და ცნობისმოყვარეობის ერთმანეთზე ურთიერთქმედება.

გლემპინგ თაგო წარმოადგენს პატარა სტარტაპს, რომლის მიზანია გააზრებული მოგზაურობის გაღრმავება საზოგადოებაში, მზრუნველობისა და სიყვარულის უზრუნველყოფა ჩვენს სტუმრებსა და გუნდის წევრებს შორის, მყუდრო გარემოს შექმნა, სადაც თითოეული წევრი თავს კარგად იგრძნობს.

ჩვენ ვქმნით კომფორტულ ადგილს ავთენტური აჭარის შუაგულში.

აქ შეძლებთ შექმნათ ახალი ისტორიები და გადაეშვათ ახალ თავგადასავლებში.